الصورة الأولى لحفل خطوبة مينا عطا

  • فنون

زف المطرب مينا عطا خبرًا سعيدا لجمهوره، حيث أعلن خطبته اليوم عبر حسابه على موقع الصور “إنستجرام”.

ونشر “مينا” صورة له برفقة خطيبته، وعلق عليها قائلًا: “فاكرين يوم ما غنيت في ستار أكاديمي (الإيڤال الرابع بتاع الأمنيات، أغنية لا تروحي.. وكانت أمنيتي إن البنت الوحيدة اللي حبيتها في حياتي ترجعلي.. ونكمل حياتنا سوا! الحمد لله.. من نعم ربنا عليا النهارده، إني أقدر أقول إننا رجعنا لبعض، واتخطبنا كمان، وفرحنا بإذن الله قرب. أولًا: عاوز دعوة حلوة منكم لينا، وثانيًا: هما كلمتين أحسن من ٢٠٠، عشان مبحبش أطول”.

تابع قائلًا: “لو ليك هدف، أمنية، حلم.. امسك فيه بإيديك وسنانك، وإوعى تقول مستحيل، أو مش هيحصل؛ لأن ربنا كبير قوي، وعالم بنيتك وحالك، وبيديك دايمًا اللي إنت محتاجه، والمناسب ليك في الوقت المناسب”.

واصل “مينا” رسالته: “أما بالنسبة لعشرة الـ١١ سنة حب، واللي استحملتني كتيييير، ووقفت جنبي زمان كتيير قوي قبل أي شهرة، وقبل كل حاجة أيام ما كانت بجد الحياة سودة، ومتقفلة في وشي، ومش عارف أحقق أي حاجة.. أحب أقولك: “لو لفيت الدنيا كلها والله العظيم عمري ما هلاقي زيك وعمري ما حبيت ولا هحب ولا عرفت حب بجد يعني إيه غير معاكي، إنتى كل حاجة في حياتي، بحبك”.

المصدر: وكالات