بالصور- صدّق او لا تصدّق: فقاسة دجاج داخل حرم مؤسسة كهرباء لبنان!

  • متفرقات

نشرت الصحفية اللبنانية رشا أبو زكي منشوراً عبر صفحتها على فايسبوك، كشفت فيه بالصور عن وجود "فقاسة دجاج" داخل حرم مؤسسة كهرباء لبنان.

أبو زكي علّقت على الصور بالقول: "اكتشاف فقاسة دجاج بمؤسسة الكهرباء. هو مش اكتشاف، هالفقاسة إللي حدها فيه غرفة لتصنيع أقفاص للحيوانات موجودة بغرفتين داخل المؤسسة عالمدخل. يعني لو حدا من مدراء هالمؤسسة بيجي عشغله أو بيعمل جولة بهالمبنى كان طبيعي يسمع صوت الصيصان. أصلا اكيد مع مرور مئات الموظفين والعمال من حد هالفقاسة، كتار عارفين فيها وسامعين صوت الصيصان والشواكيش. هالاهمال المتمادي بمؤسساتنا مفروض يخلص بمحاسبة المسؤولين عنه. بما انو الفقاسة كشف عليها التفتيش، فرح ننطر هل حيحطو الحق عالعامل حصرا، و١٦ مدري ١٧ واحد بمجلس الإدارة حيعتبروا الفقاسة نكتة، وحيكفو بمواقعهن عادي ولا مين صوصو ولا مين فقس؟"

وقد لاقى الخبر تفاعلاً ساخراً من قبل رواد مواقع التواصل الإجتماعي الذين علّقوا على الصور معبّرين عن استغرابهم من هذه الفضيحة "المضحكة المبكية".

المصدر: الجديد