ذكرى بيار الجميل في استوكهولم

  • كتائبيات

أحيا قسم ستوكهولم ذكرى استشهاد الشيخ بيار الجميل وشهداء الحزب  في قداس أقيم  في كنيسة مار مارون / ساترا ترأسه المونسنيور غطاس لويس ، والأب شابو الخوري والاب سمعان سمعان بحضور ألقائم بالأعمال في السفارة  اللبنانية في السويد الأنسة ألين يونس ، السيد  جاك بسوس ممثلا القوات اللبنانية، السيد  توني نصر ممثلا التيار الوطني الحر ، السيد  طوني خوري رئيس النادي اللبناني ، السيد  سيمون در سهجيان  ممثلا حزب الطاشناق، السيد  غابي غلو ممثل التنظيم الأرامي والإعلامي السيد توني زيتو ، والسيد  افرام  ملكي المسؤول في بلدية يارفلة في السويد،  إلى جانب عدد كبير من المشاركين.

بعد القداس توجهت  رئيسة  القسم الرفيقة اوديت أبيض  بكلمة جاء فيها :

نحن  اليوم  مجتمعين نحن  أبناء الجالية اللبنانية في السويد ، كتائبيين ، أصدقاء ، مناصرين  ومحبين لنصلي عن نفس رفيقنا النائب والوزير الشهيد الشيخ بيار الجميل بالذكرى العاشرة على استشهادو ولنصلي كمان عن نفس كل اللي أستشهدو  للحفاظ  على كرامة لبنان.

 كما قال الشاعر جهاد الأبيض حداد: عالصخر نحىفرت دعساتك والريح تهمدر كلماتك سكران لأرز بدماتك مجد مكلل بالغار.

بهلمناسبة  بدنا كلنا سوى نجدد الوعد والعهد  انو راح نبقى ونستمر للحفاظ على الأمانه يلي حملنا  يها شهيدنا بيار وكل الشهداء ، لأنو اذا نحنا حافظنا على هل امانه مثل ما لازم  نحافظ عليها منكون ليوم  فعلاً عم نقول إنو بيار ما مات ، بيار عايش بكل واحد فينا، بكل واحد فيكون، بكل واحد بدو لبنان مستقل بقرارات  ومحافظ على كيانو.

كل اللبنانيين  يللي  مخلصين للوطن باكدو إنو تاريخ حزب الكتائب كان دايماً خشبة  الخلاص وهيدا لراح  ثبتتو الأيام  ويلي راح يدونو التاريخ . الكتائب اللبنانية ما بتغيير مبادئها  ولا بتخون القضية.

من واجبنا اليوم نكون كلنا سوى متحدين عمنكمل مسيرة البشير، مسيرة بيار  ومسيرة كل الشهداء .

بدي الكون مشو  وراسكن مرفوع ، مشو وراسكن مرفوع لأنو انتو رفاق بيار ، رفاق الشهادا بالقضية، قضية لبنان،  لبنان ١٠٤٥٢ كيلومتر مربع ، لبنان العنفوان،  لبنان الكرامه.

لقاؤنا اليوم منو لمجرد الذكرى ، منو مناسبه للبكي على الأطلال، بل هوي لتجديد الوعد على الوفى والتضحيه لإستمرارية مسيحي  لبنان والشرق.

 منحلف بالثلاثة  الله ، الوطن والعائلة  انو باقيين وراح نناضل من أجل  الوطن يللي حلمتو في السيد ، الحر ، المستقل. ونحنا لأقوى بإيماننا ايماننا بس بلبنان لباقي.

 ومتل  ما قال رئيس الحزب  الشيخ سامي الجميل : على خطانا ثابتون والكتائب اللبنانية  ستبقى لا تلين ولا تذوب.

عشتم، عاشت الكتائب اللبنانية ، ليحيا لبنان.

 

المصدر: Kataeb.org