هدية السيّدة فيروز الى الأمهات... اللي صاروا واللي فلّوا واللي جايين!

  • فنون
هدية السيّدة فيروز الى الأمهات... اللي صاروا واللي فلّوا واللي جايين!

فاجأت المخرجة ​ريما الرحباني الجمهور​ بنشرها أغنية جديدة لوالدتها السيّدة ​فيروز​ بمناسبة ​عيد الأم​، وعلقت على هذه الأغنية بالتالي:

"هالغنّية هيّي من أحب الأغاني ع قلب إمي، من زمان كتير حابّة ينعملّا كلام..

وبما إنّو ما في شي بيصير إلا بوقتو وإذا إجا وقتو. صار، وكانت من ضمن أغاني "ببالي"!

إنّما بسبب تأخّر حقوق النشر، قرّرنا نمشي بالأسطوانة، اللي ما حبّينا نأخّر صدورا، بيدونا.

اليوم بعيد الأمّهات حابّة قدّما هديّة لإمّي يطوّل عمرا ويخلّيها فوق راسنا وتاج راسنا..

وتحيّة لبيّي..

وتحيّة لإختي ليال وجدّي وديع وستّي ليزا ومربّيتي جمال، اللي رغم إنّهن فلّوا بكّير وتركونا بعدُن معي بزوايا بالي!

ولإخوتي زياد وهلي كل الحب يطوّل عمرُن ويخلّيلي ياهن.

وتحيّة من القلب لكل الأُمّهات بهالدني، اللي صاروا واللي فلّوا واللي جايين!

ريما عاصي الرحباني".

يمكنكم الاستماع الى الأغنية عبر الرابط التالي:

https://vimeo.com/260911577

المصدر: Agencies