نادين لبكي

نادين لبكي تدخل إلى عالم السياسة

تحدّثت المخرجة "نادين لبكي"، عن أسباب ترشحها للإنتخابات البلدية في بيروت. وردّت "لبكي" على الكاريكتور الذي نُشر اليوم على احدى الصحف والذي يطلب منها فيه الشخصية البيروتية الساخرة أبو العبد البيروتي العدول عن ترشحها بقوله "خليك بفنك يا نادين شو بدك بهل لبكي". وكتبت "لبكي" التالي: "صديقي أبو العبد ، عم تسألني '' شو بدي بهل لبكي؟ '' أنا أكيدي البعض متلك عم يسأل حالو نفس السؤال:"مرشحة على انتخبات البلدية ببيروت؟!!!! ولك شو بدا بهل شغله! هيدا مش محلها !" خليني قلك شو بدي بهل لبكي : أنا هون من حرقة قلب. أنا هون مواطنة لبنانية عايشة ببيروت محبطة، حزينة، غضبانة، خايفة. خايفة إفتح شباك بيتي لأني خايفة على ولادي من نسمة الهواء. خايفة اتمشّى بالشارع بعد غياب الشمس لأنو ضوّ البلديه محروق . خايفة على إبن الجيران يلي عم يلعب بالطابة بين السيارات لأنو ما في جنينة تستقبلو. خايفة على الصبي الحفيان يلي واقف على الإشارة ما تئشّو شي سيارة. ولك حتى صرت خايفة من عقصة البرغشة. لمّ بدك توصف إنسان بالجبان بتقول عنو :"شو جبان بيخاف من البرغشة!" نحنا اليوم تحوّلنا لناس جبناء خايفين نعيش... منعدّ للعشرة قبل ما نشرب نقطة المي. منعدّ للميّة قبل ما نكدش كدشة من السندويشة. أنا يمكن ميسورة قادرة ركِّب فلتِر للمي أو حطّ مكنة تنضِّف الجوّ ، بس الانسان الفقير يلي مارق المجرور بنص بيتو شو بيعمل؟ أول مبارح 22 نيسان كان يوم عيد الأرض. أيّ أرض والفرد ببيروت عايش بأقل من متر مربع مساحة خضرا؟ أيّ أرض و نسبة التلوث فيها مرتين أكتر من ما بتسمح منظمة الصحة العالمية؟ كيف بلدية بيروت عندها فائض مليار دولار، و ما زرعت شجرة تحت بيتي من ٦ سنين؟ كيف عندها فائض مليار دولار وبعد في ولاد عم تلعب football بين السيارات؟ كيف عندها فائض مليار دولار والزبالة صارت جبال على طرقاتنا؟ ليش كل ما بتشتّي الدني ما حداً في يوصل عشغلو من عجقة السير ؟ ليش ثلاث أرباع مبانينا التراثية بالأرض؟ ليش هلقد في استلشاق؟ ليش هلقد في تعتير ؟ ليش هلقد في لا مبالاة ؟ ليش ما عندي ولا جواب مقنع على ولا سؤال؟ "بيروت مدينتي" خلقت بقهوة بين شباب وصبايا خايفين متلي، وطافح كيلون متلي، قرروا ياخدوا بزمام الأمور ويطبّقوا مقولة "ما بحِكّ جلدك إلا ضفرك" لأن القيادة السياسية التقليدية فشلت. فشلت بالتعاطي مع أمور وقضايا الناس. "بيروت مدينتي" هي مجموعة خبراء بمجال التنظيم المدني والبيئة والنقل والهندسة والاقتصاد والحفاظ على التراث. مجموعة شباب وشابات، شمَّرِت على زنودها، ونزلت على الشارع تسأل الناس شو همومها ، وتعيش معها أوجاعها . ونظمت مساحات نقاش بكتير من المناطق البيروتية لتطلع ب

Advertise with us - horizontal 30
loading