المصدر: lebanonon

أعجوبة للسيدة العذراء سجّلتها كنيسة أم الفقير في جبيل، بعد ان رزق رجل عراقي من الطائفة الشيعية بولد. هذه الاعجوبة تحدّث عنها المواطن جورج سامي القدّوم في منشور له على موقع "فيسبوك"، ننقله اليكم كما جاء بحرفيته: 

Like our kataeb.org Facebook Page

CLICK HERE

"بدي خبّر عن حادثة صارت معي الليلة، و بصراحة كنت مردد اذا بكتبا عالفايسبوك، بس رجعت قررت انو لازم تنكتب.
كنت عم بزور سيدة الميسي ( الام الفقيرة) ، و انا و فالل بلتقى بزلمي و معو مرا محجبة و ولد صغير فايتين يزوروا. بيستوقفني هيدا الزلمي و بيسألني اذا انا من المنطقة ، ف بقلوا ايه ، عايزك شي، بقللي لاء بس بدي خبرك خبرية صارت معي من اكتر من سنة:
" انا شيعي من العراق ،و انا و زوجتي كان عنّا مشكلي بالانجاب ، و بقينا فترة طويلي بلا ولاد. من اكتر من سنة او سنة ونص جينا عجبيل و شفنا هالكنيسي( هيي مزار و لكن هو ما بيعرف الفرق) ، فدخلنا زرنا و طلبت من العدرا انو يجينا ولد، و بعدها سافرنا عبلدنا ، و حبلت زوجتي و اجانا هيدا الولد ، و هلق جايي اشكرا و جايب ابني عباس معي. انا يا خيي مش من الدين المسيحي الكريم و العدرا اتكرمت عليي و حققتلي طلبي" ، و شلح من اجرو و قعد عالمقعد.
قلتلو انا "يا اخي يللي بيجي عند العدرا بكل ايمان ، العدرا ما بتردّوا خايب بغض النظر عن دينو".
صراحة يمكن كان لازم صوروا توثّق هالخبرية بس من كترة ما تأثرت ما عدت فكرت الا بايمان هيدا الزلمي المسلم الشيعي و رحمة و حنان العدرا.
قلتللو اسمالله و خليلك هالولد وودعتو.
انا و فالل بعيطللي و بقللي:"بدي اطلب منك شي ، خبِّر عن هالقصة و قول انو شيعي من جنوب العراق قصد ستّنا مريم بهالكنيسة و هيي حققتلو طلبوا ،بطلب منك تخبّر كلّ لبتعرفن"، سألتو شو الاسم الكريم ،قللي "انا "ميتم "شيعي من جنوب العراق " قلتللو زيارة مقبولة ، و فليت.
ما الي بالعادة شارك قصصي ، و لكن اصرار هيدا الزلمي و قديش اثرّت قصتو فيي ، و كيف وقفّني انا و فالل ، لا بعرفو و لا بيعرفني بس تيخبرني عن قصتو ،خلّوني حسّ انو من واجبي عمم هيك خبرية".