علّق أخ شهيد فوج الإطفاء رالف ملاحي، دافيد ملاحي، على حسابه عبر فيسبوك، على قرار تبليغ القاضي طارق بيطار بطلب رده عن تحقيقات المرفأ، قائلًا: "الله لا يوفقكن واحد واحد ويا رب و يا مار شربل انشالله بتستلموا ولادكن متل ما استلامنا خي و اخواتوا ال٩، الآتي اعظم".

بدورها، علّقت والدة الشهيد حمد العطّار بعد تبلّغ المحقق العدلي في إنفجار مرفأ بيروت القاضي طارق البيطار، ردّه في القضية المقدّمة من النائب نهاد المشنوق،  بالقول: "غابة. أصبح لبنان غابة القوي يفترس الضعيف".

بدوره، علّق شقيق جو بو صعب، بيتر بكلمات مؤثرة وحادة، وقال عبر فايسبوك: "فجرتونا ب ٤ آب جسديا، و عم ترجعوا تخططوا كيف بدكن تفجرونا نفسيا للمرة التانية، و تمنعونا نوصل للحقيقة!

بّيتوا التهم على بعضكن و بالآخر كلكن اتّحدتوا و اطلعتوا اوطى من بعضكن.

بس ما فشرتوا على رقبتكن يا كلاب نسكت هالمرة...يلي راحوا مش برغشة، مش هيك القصة رح تخلص، قلنا قبل و انا برجع بكرر، لو القصة بدها تكلف دم نحن جاهزين و ما عنا شي نخصروا وهل مرة رح تكون غير كل مرات.

مشان هيك بدي ادعي كل شخص وطني و بعد عندو ضمير يشاركنا نهار الاربعاء بالوقفة يلي بدنا نعملها...وجودكن هو قوة و دعم النا".